منتديات وقاص هارون
مرحباً بك في منتديات وقاص هارون

انضم إلى المنتدى ، فالأمر سريع وسهل

منتديات وقاص هارون
مرحباً بك في منتديات وقاص هارون
منتديات وقاص هارون
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ترحب بكم


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

بوست خاص بالضحك والفرفشه شـــــــــاركونا

اذهب الى الأسفل  رسالة [صفحة 1 من اصل 1]

وائل عباس


عضو جديد

كتبت هذه القصيدة في طالب في جامعة الخرطوم اسمه "عبدو" وكان بحب واحدة لدرجة الجنون
وكان خجولاً فلمّا حكى لزميله في الداخلية عن قصة هذه البنت نصحه زميله بأن يفاتحها في الأمر ،
فرد عبدو :-
"حفضل أكهربها ليك لو جا ملاك يخطبها حترفض وأحسن أكون تقيل أنا زول جميل وقيافة " ...
وفضل صاحبنا "عبدو" يكهرب لحدي ما بطاريتو نزلت وفي النهاية جا مغترب وخطب البت ..
وصار عبدو يكيل وهنالك مصطلح في جامعة الخرطوم متعارف عليه "إذا أحب طالب زميلته
وتزوّجت من غيرو" شاكوش بمعنى آخر ".. بقولوا "أدتو شريط"..
لأنه بيكون مشغل شريط أغاني حزينة.. ينتهي يقلبه بالجانب الآخر.. و هكذا..
و كأن البنت أعطته له..
على أي حال نرجع لي عبدو الذي وقّعه الله مع صاحب بشّع بيهو وألّف فيهو القصيدة دي ..
يمكن نضحك إحنا على الكلام ده ، لكن الكهربجي بتعانا داك يكون حاسي بي شنو!!


في الليلة ديك
القصة ذاتها بقت عليك
يا عبدو وأدوك الشريط
يوم قولنا ليك
أنضم معاها وكلّمها
لكن أبيت تسمع كلامنا
بقيت لميض
وقلتَ.. أحسن أكون تقيل
أنا ما جميل
باكر بعد باكر
بكهربها ليك بي نظرة كتيل
وبقيت تقيل
لامن سقوك موية الغسيل
يوم جيت تنطط زي زمان
وتباري بقعور الشجر
كايس كراسي الخيزران ..
وقعدتَ يا زينة الرجال
كهربجي قال
رفعوا الستار
والبت تجي و تمشي و تلف
مرات تقيف
ومعاها كان زولاً حريف
والوقفة كان وقفة ولف
صاحبنا بالاحساس عرف
وسألتَ والناس كلّموك
ملعون أبوك دنيا أم قدد
بقت البقت
ووقعتَ في شارع الزلط
تبكي وتجعّر
والعيون اتورّمت
يد القميص.. ضهر القميص.. كم القميص
حتى الفنيلة اتشرّطت
يا عبدو عيب
قوم يلا صلي على الحبيب
الواطه صبحت داير ننوم
يا أخوانّا لأ أنا عايز أموت أقع البحر
يا عبدو عيب
الدنيا حر .. والموية بتسخّن عليك
ثلاثة ساعات في الطريق
ودموعو سايلات بالكفوف
وشرايطو تلمع في الكتوف
بقى فيلسوف
شي كلام عن الدنيا أم قدود
وعلاقة بين يوم السبت وعين الحسود
ومقارنات بين الجمال
والجهل وسوء الإختيار
قال شينة قال ...!
قال شينة قلنا كلام صحيح
وخطيبها زاتو ولد قبيح
بس ياخي قوم
الواطة ليل.. دايرين ننوم
قام تاني جاب سيرة البحر
وقام تااااااااااااااااااني جاب سيرة البحر

وائل عباس


عضو جديد

حبيبتي فرق مربعي حدين
أبعث إليك تحياتي الفراغية
وأشواقي
التحليلية
محملة ببراهيني الهندسية
شكلها مستطيل
وحلها
مستحيل
أتذكرين يوم كنا نتمشى على الخط المستقيم
ونستمتع
بالشعاع الوارد سين فتحة
ويوم كنا نستظل بظله
ونضرب بعضنا
بالكسور العشرية
فراقك جعلني شبه منحرف
وطيفك يرافقني كمنصف
الزاوية
من أجلك جعلت من نفسي
قاسما مشتركا أعظم
ومثلثا
متوازي الساقين
وما زالت نظرية تالس تعبر عن توازي حبي لك
مع
حبي للمتطابقات الشهيرة
أذكريني
أنت يا وتر حياتي
ويا
ضلعي القائم

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى